Янги китоблар Сиз – китобхонларга мунтазир!
Академик шоир, ўзбек адабиёти равнақига ўзининг муносиб ҳиссасини қўшган
Ғафур Ғулом ижоди ўзбек китобхонларининг бир неча авлодини тарбиялашга хизмат қилган.
Ушбу китобга жамланган асарлар ўзининг ғоявий руҳи билан мустақилликни қўлга киритган халқимиз-
нинг комил инсонларни вояга етказиш йўлидаги курашида камарбаста
бўлишига ишонамиз.
А. Қаҳҳорнинг "Анор" номли қисса ва ҳикоялар тўплами лотин алифбосида. Ўзбекистон халқ ёзувчиси
Абдулла Қаҳҳорнинг "Анор" деб номланган тўпламида унинг энг машхур қисса ҳамда ҳикоялари жамланди.
Адибнинг бизга мерос қолдирган асарлари ғоявий-бадиий жиҳатдан юксак савияда ёзилган, у яратган образлар ғоят ранг-баранг.
Нархи – 4 000 сўм.
Cадриддин Салим Бухорий 1946 йил Бухоро шаҳрида зиёли оиласида туғилган.
У 1972 йилда ҳозирги Бухоро Давлат университетининг чет тиллар факультетини
тамомлаб, узоқ йиллар ушбу даргоҳда ёшларга сабоқ берган. Cадриддин Салим Бухорийнинг асарлари ҳам олмон, инглиз, рус, тожик, украин, болгар
ва бошқа жаҳон тилларига таржима қилинган.
Нархи – 4 500 сўм.
Африка ҳайвонат олами ҳақида тўлиқ маълумот берувчи рисола. Лотин тилида, мелованный қоғозда чоп этилган.
Нархи – 9 000 сўм.
.jpg)
Қадим замонларда ҳинд файласуф олимлари тарафидан ёзилган «Калила ва Димна» асарида турли жониворлар
тилидан айтилган масал, ҳикоя, ривоят, эргаклар асос қилиб олинган бўлса-да, унда адолат ва эзгулик каби инсоний туйғулар
мадҳ этилиб, ёвузлик ва қабоҳат қораланади.
Нархи – 6720 сўм.
Муҳаммад Авфий XII асрнинг охири XIII аср бошларида яшаган бухоролик машҳур адиб ва тазкиранависдир. Унинг «Лубобул-албоб»
(«Идрок хулосалари») асари илк тазкиралардан. Авфий қаламига мансуб «Жавомиул-ҳикоёт» тарихий ва фолклор материалларига асосланиб ёзилган бўлиб, унинг ўша давр ижтимоий иллатларини фош қилувчи ва юксак инсоний фазилатларни мадҳ этувчи ҳислатларини кўпгина Европа ва Шарқ тадқиқотчилари таъкидлаганлар.
Нархи – 2500 сўм.
Ўн тўртинчи асрда бўлиб ўтган сарбадорлар ҳаракати тарихимизнинг ғоятда мумтоз ва эътиборли. Инсонларни тенг ҳуқуқли, фуқаролари фозил жамоа, шаҳар бунёд этмакка бел боғлаган.
Пахта тозаловчилар маҳалласининг оқсақоли Абу Бакр Калавий, камонмерган Хўрдак Бухорий, толиби илм Мавлонозода сингари оддий халқ вакиллари давлат бошига келдилар...
Нархи – 5500 сўм.
Эътиборингизга тақдим этилаётган «Ватан суврати» тўплами таниқли шоира Шарифа Салимованинг узоқ йиллар мобайнида шеърият деб
аталмиш сирли уммондан эл-юрт муҳаббати йўлида ўзига хос куюнчаклик, самимият билан ажратиб олган сўз гавҳарларидир.
Муаллифнинг бетакрор лисоний жозиба ва қалб ҳарорати билан зийнатланган манзумалари Сизнинг қалбингизга ҳам ўзгача шукуҳ ва
кайфият бағишлайди.
Нархи – 7800 сўм.
Ёзувчи Қўчқор Норқобилнинг «Афғон 2-рота» деб номланган қиссалар ва ҳикоялар китобида Инсонга куч-қудрат, умид бахшида этадиган,
руҳлантирадиган энг олий туйғу – Муҳаббат мавзуси ўзига хос тарзда улуғланади.
Сиз Замин қалбидаги сир-асрорлардан бохабармисиз? Балки, эсаётган шабада ҳам шунчаки эсмай, Яратганнинг қудратидан огоҳ этувчи муждаларни қулоғингизга шипшиётгандир. Ҳа, соҳир қалблар учун бу олам мўъжизаларга тўла. Саудия араб адибаси Маҳа Муҳаммад ал-Файсалнинг рамзий тил билан яратган мазкур «Тавба ва Сулайё» романи ҳам шундан гувоҳлик беради. Бу китоб орқали қалбингизга шундай гўзал туйғулар оқими оқиб киради, сўз қудратига, сўз сеҳрига беихтиёр тан берасиз.
Нархи – 4300 сўм.
Муаззам Иброҳимованинг «Икки дўст» китобида унинг тансиҳатлик ҳақидаги эртаклари жамланган. Кичкинтойлар учун мўлжалланган бу эртакларда озодаликка рия қилиш, ақл-идрок ҳам саломатлик учун муҳилиги ҳикоя қилинади.
Нархи – 1200 сўм.
Шухрат “Оқ қушнинг кенжа боласи”.
Таниқли ўзбек адиби ва шоири Шухрат асарлари нафис лиризм, лирик қаҳрамон руҳий оламининг ёрқин ифодаланганлиги, ҳис-туйғуларнинг самимийлиги билан ажралиб туради. Бу инсоний туйғулар унинг болалар учун ёзилган асарларида ҳам ўз ифодасини топган. Муаллифнинг болаларга аталган ҳикоялари ва шеърларидан таркиб топган ушбу мажмуа кичик китобхонларга муносиб ҳадя бўлди.
Нархи – 3500 сўм.
Асқад Мухтор “Эл-юрт керак экан одамга”.
Ўзбек адабиётининг устоз адибларидан бири, беназир шоир Асқад Мухторнинг мазкур тўплами унинг энг сара шеърларидан ҳамда ижодкорнинг бой тажрибаси, инсоний туйғулари ва теран мушоҳадаларини ифодаловчи адабий ўйларидан дасталанди.
Нархи – 3500 сўм.